ഓണക്കിറ്റിൽ 14 ഇനം അവശ്യവസ്തുക്കൾ*

*100 ഗ്രാം സാമ്പാർ പൊടിയും 200 ഗ്രാം പായസം മിക്സും; ഇത്തവണ ഓണക്കിറ്റിൽ 14 ഇനം അവശ്യവസ്തുക്കൾ*

12.08.2025

 *തിരുവനന്തപുരം* ഇത്തവണത്തെ ഓണക്കിറ്റ് എഎവൈ വിഭാഗം കാര്‍ഡ് ഉടമകള്‍ക്കും ക്ഷേമ സ്ഥാപനങ്ങളിലെ അന്തേവാസികള്‍ക്കും വിതരണം ചെയ്യുന്നത് 14 ഇനം അവശ്യവസ്തുക്കൾ ഉൾപ്പെടുത്തി. ഇതു സംബന്ധിച്ച് സര്‍ക്കാര്‍ ഉത്തരവ് പുറത്തിറക്കി.

പഞ്ചസാര-1 കിലോ, വെളിച്ചെണ്ണ 500 എംഎല്‍, തുവരപ്പരിപ്പ്-250 ഗ്രാം, ചെറുപയര്‍ പരിപ്പ്-250ഗ്രാം, വന്‍പയര്‍ - 250 ഗ്രാം, കശുവണ്ടി-50 ഗ്രാം, മില്‍മ നെയ്യ് - 500 എംഎല്‍, ശബരി ഗോള്‍ഡ് തേയില - 250 ഗ്രാം, ശബരി പായസം മിക്‌സ് - 200 ഗ്രാം, ശബരി സാമ്പാര്‍ പൊടി - 100 ഗ്രാം, ശബരി മുളക് പൊടി 100 ഗ്രാം, മഞ്ഞള്‍ പൊടി - 100 ഗ്രാം, മല്ലിപ്പൊടി - 100 ഗ്രാം, ഉപ്പ് - 1 കിലോ, തുണി സഞ്ചി 1 എണ്ണം എന്നിങ്ങനെയാണ് കിറ്റില്‍ ഉള്‍പ്പെടുത്തിയിരിക്കുന്നത്. 

ഗതാഗത, കയറ്റിറക്കു കൂലി ഉള്‍പ്പെടെ 710 രൂപയാണ് ഒരു കിറ്റിനു ചെലവാകുന്ന ഏകദേശ തുക. 6,03,291 കിറ്റുകള്‍ക്കായി ആകെ ചെലവാകുന്നത് 42,83,36,610 രൂപയാണ്.