31 ലക്ഷം രൂപയുടെ സ്വർണ്ണം മോഷ്ടിച്ച ആയ അറസ്റ്റിൽ; സംഭവം ബെംഗളൂരുവിൽ 

31 ലക്ഷം രൂപയുടെ സ്വർണ്ണം മോഷ്ടിച്ച ആയ അറസ്റ്റിൽ; സംഭവം ബെംഗളൂരുവിൽ 

 ​ബെംഗളൂരു: വയോധികയെ പരിചരിക്കാൻ നിയമിച്ച ആയ വീട്ടിൽ നിന്ന് 31 ലക്ഷം രൂപയുടെ സ്വർണ്ണാഭരണങ്ങൾ മോഷ്ടിച്ച കേസിൽ അറസ്റ്റിലായി. ബിഹാർ സ്വദേശിനിയായ ചാന്ദിനിയാണ് ബെംഗളൂരുവിലെ കമ്മനഹള്ളിയിൽ അറസ്റ്റിലായത്. ​കഴിഞ്ഞ രണ്ട് വർഷമായി ഈ വീട്ടിൽ ജോലിക്കാരിയായി പ്രവർത്തിക്കുകയായിരുന്നു ചാന്ദിനി. ഇവർ പരിചരിച്ചിരുന്ന വയോധികയുടെ വീട്ടിൽ നിന്നാണ് സ്വർണ്ണാഭരണങ്ങൾ മോഷ്ടിച്ചത്. മോഷണവുമായി ബന്ധപ്പെട്ട് പോലീസ് ചോദ്യം ചെയ്തപ്പോൾ ഇവർ കുറ്റം സമ്മതിച്ചു. ​കേസെടുത്ത ബാനസവാഡി പോലീസ് മോഷണം പോയ സ്വർണ്ണാഭരണങ്ങൾ മുഴുവനായും വീണ്ടെടുത്തിട്ടുണ്ട്. വീടുകളിലെ ജോലിക്കാരെ നിയമിക്കുമ്പോൾ ശ്രദ്ധിക്കണം എന്ന മുന്നറിയിപ്പാണ് ഈ സംഭവം നൽകുന്നത്.