ഡൽഹി സ്ഫോടനം: ഡോ. ഷഹീന്റെ വെള്ളി നിറത്തിലുള്ള ബ്രെസ കാർ കണ്ടെത്തി, കാണാതായ 300 കിലോ സ്ഫോടകവസ്തുക്കൾ സൂക്ഷിച്ചത് ഈ കാറിൽ?

ഡൽഹി: നവംബർ 10 ന് ഡൽഹിയിലെ ചെങ്കോട്ടയ്ക്ക് സമീപം നടന്ന കാർ സ്ഫോടനവുമായി ബന്ധപ്പെട്ട് അറസ്റ്റിലായ ഒരു തീവ്രവാദിയുമായി ബന്ധമുള്ള സംശയാസ്പ്‌പദമായ വാഹനം പോലീസ് കണ്ടെത്തി.തുടർന്ന് ബോംബ് നിർവീര്യ സംഘം ഹരിയാനയിലെ അൽ-ഫലാഹ് സർവകലാശാലയിൽ എത്തി. ഹരിയാന പോലീസിലെ ബോംബ് നിർവീര്യ സംഘം നിലവിൽ സർവകലാശാല കാമ്പസ് പരിശോധിച്ചു കൊണ്ടിരിക്കുകയാണ്. അവിടെ നിന്നും സംശയിക്കപ്പെടുന്ന തീവ്രവാദിയായ ഡോ. ഷഹീന്റെ വെള്ളി നിറത്തിലുള്ള ബ്രെസ്സ കാർ കണ്ടെത്തി.വാഹനം കണ്ടെടുത്തതിനെത്തുടർന്ന് സ്ഫോടകവസ്തുക്കൾക്കായി പരിശോധിക്കാൻ ബോംബ് സ്ക്വാഡിനെ വിന്യസിച്ചു.

നാല് കാറുകളെ സ്ഫോടകവസ്തുക്കൾ നിറച്ച വാഹനങ്ങളാക്കി മാറ്റി ഭീകരർ ചാവേർ ആക്രമണ പരമ്പരയ്ക്ക് പദ്ധതിയിട്ടിരുന്നതായി അന്വേഷണത്തിൽ വ്യക്തമായി.ഈ വാഹനങ്ങളെല്ലാം പോലീസ് ഇപ്പോൾ തിരച്ചിൽ നടത്തുകയാണ്. നേരത്തെ, ഒരു സ്ഫോടനത്തിന് ഉപയോഗിച്ച ഷഹീൻ സ്വിഫ്റ്റും ഉമറിന്റെ ഐ20 ഉം കണ്ടെടുത്തിരുന്നു.

തുടർന്ന്, ഒരു ചുവന്ന ഇക്കോസ്പോർട്ട് കണ്ടെത്തി, ഇപ്പോൾ അൽ-ഫലാഹ് യൂണിവേഴ്സിറ്റി കാമ്പസിനുള്ളിൽ ഷഹീൻ്റെ വെള്ളി നിറത്തിലുള്ള ബ്രെസ്സയും കണ്ടെത്തി.