40 യാത്രക്കാരുമായി പോയ ഡൽഹി-വാരണാസി സ്ലീപ്പർ ബസിന് തീപിടിച്ചു

ഡൽഹി: 40 യാത്രക്കാരുമായി പോയ

ഡൽഹി-വാരണാസി സ്ലീപ്പർ ബസിന് തീപിടിച്ചു. കാൺപൂരിലെ എൻഎച്ച് 19 ലെ രാംദേവി ക്രോസ്റോഡിൽ ആണ് സംഭവം. ചില യാത്രക്കാർക്ക് പരിക്കേറ്റെങ്കിലും എല്ലാവരുടെയും ജീവൻ രക്ഷിക്കാൻ കഴിഞ്ഞതായി റിപ്പോർട്ടുണ്ട്.ബസ് വാരണാസിയിലെക്ക് പോകുന്നതിനിടയിൽ, മുകളിലെ ഡെക്കിൽ സൂക്ഷിച്ചിരുന്ന ലഗേജിൽ നിന്ന് പെട്ടെന്ന് പുക ഉയർന്നു തീ പടർന്നു. ബസ് ഡ്രൈവറും കണ്ടക്‌ടറും ബസ് നിർത്താൻ ശ്രമിച്ചു. എന്നാൽ അപ്പോഴേക്കും ബസിൽ വലിയ തീപിടുത്തം ഉണ്ടായിരുന്നു.ബസിന്റെ മേൽക്കൂരയിൽ കയറ്റിയിരുന്ന ഭാരമേറിയ ലഗേജിൽ ആദ്യം തീ പടർന്നതാണ് ജീവൻ രക്ഷിക്കാൻ കാരണമായി മാറിയത്. ഇതോടെ യാത്രക്കാർക്ക് ജീവൻ രക്ഷിക്കാൻ കുറച്ച് നിമിഷങ്ങൾ ലഭിച്ചു. പലരും ഓടുന്ന വാഹനത്തിൽ നിന്ന് ജനലുകളിലൂടെയും വാതിലുകളിലൂടെയും പുറത്തേക്ക് ചാടി.