പാകിസ്ഥാന്റെ ആദ്യത്തെ പ്രതിരോധ സേനാ മേധാവിയായി അസിം മുനീറിനെ ഔദ്യോഗികമായി നിയമിച്ചു

ഇസ്ലാമാബാദ്: പാകിസ്ഥാന്റെഫീൽഡ് മാർഷൽ അസിം മുനീറിനെ അഞ്ച് വർഷത്തേക്ക് രാജ്യത്തിന്റെ ആദ്യത്തെ പ്രതിരോധ സേനാ മേധാവിയായി (സിഡിഎഫ്) നിയമിക്കുന്നതിന് ഷെഹ്ബാസ് ഷെരീഫ് സർക്കാർ അംഗീകാരം നൽകി.ഈ വർഷം ആദ്യം ഫീൽഡ് മാർഷൽ പദവിയിലേക്ക് ഉയർത്തപ്പെട്ട ഉന്നത സൈനിക നേതാവ് കരസേനാ മേധാവിയായും തുടരും. പ്രധാനമന്ത്രി ഷെരീഫ് അയച്ച ഒരു സംഗ്രഹത്തിന്റെ അടിസ്ഥാനത്തിൽ പ്രസിഡന്റ് ആസിഫ് അലി സർദാരി മുനീറിന്റെ നിയമനം അംഗീകരിച്ചതായി പ്രസിഡന്റിന്റെ ഓഫീസ് പുറത്തിറക്കിയ വിജ്ഞാപനത്തിൽ പറയുന്നു.ഫീൽഡ് മാർഷൽ സയ്യിദ് അസിം മുനീറിനെ നിയമിക്കുന്നതിനായി പ്രധാനമന്ത്രി സമർപ്പിച്ച സംഗ്രഹം പ്രസിഡന്റ് ആസിഫ് അലി സർദാരി അംഗീകരിച്ചു.കഴിഞ്ഞ മാസം പാസാക്കിയ 27-ാ മത് ഭരണഘടനാ ഭേദഗതിയെ തുടർന്നാണ് ഈ നിയമനം. ഇത് പ്രതിരോധ സേനാ മേധാവിയുടെ പദവി സൃഷ്ടിക്കുന്നതിന് വഴിയൊരുക്കി. സിഡിഎഫ് റോൾ നിലവിൽ വന്നതോടെ, പാകിസ്ഥാൻ ജോയിൻ്റ് ചീഫ്‌് ഓഫ് സ്റ്റാഫ് കമ്മിറ്റി ചെയർമാൻ എന്ന മുൻ പദവി ഔദ്യോഗികമായി നിർത്തലാക്കി.മുനീർ 2022 നവംബറിൽ മൂന്ന് വർഷത്തെ കാലാവധിക്ക് കരസേനാ മേധാവിയായി ചുമതലയേറ്റു. പിന്നീട് 2024 ൽ അഞ്ച് വർഷത്തേക്ക് ഇത് നീട്ടിയിരുന്നു.