*ബെവ്കോ ഔട്ട്ലെറ്റുകള് നാളെ മുതല് ഒഴിഞ്ഞ പ്ലാസ്റ്റിക് മദ്യക്കുപ്പികള് സ്വീകരിച്ചു തുടങ്ങും*
Keralanewsmedia
admin 
*ബെവ്കോ ഔട്ട്ലെറ്റുകള് നാളെ മുതല് ഒഴിഞ്ഞ പ്ലാസ്റ്റിക് മദ്യക്കുപ്പികള് സ്വീകരിച്ചു തുടങ്ങും*
തിരുവനന്തപുരം: സംസ്ഥാനത്തെ ബെവ്കോ ഔട്ട്ലെറ്റുകള് വഴി നാളെ മുതല് ഒഴിഞ്ഞ പ്ലാസ്റ്റിക് മദ്യക്കുപ്പികള് സ്വീകരിച്ചു തുടങ്ങും. പരീക്ഷണാടിസ്ഥാനത്തില് 20 ഔട്ട്ലെറ്റുകളില് കുപ്പികള് വാങ്ങും. ആദ്യഘട്ടത്തില് തിരുവനന്തപുരം, കണ്ണൂര് ജില്ലകളിലാകും ശേഖരണം.
ഗ്ലാസ് പ്ലാസ്റ്റിക് കുപ്പികളില് മദ്യം വാങ്ങുന്നവരില് നിന്ന് 20 രൂപ അധികം ഈടാക്കുന്ന 'ഡെപ്പോസിറ്റ്' പദ്ധതിയാണ് ബെവ്കോയില് നാളെ മുതല് നടപ്പാക്കുന്നത്. കുപ്പി തിരികെ നല്കിയാല് ഈ തുക തിരികെ ലഭിക്കും. ബെവ്കോ സ്റ്റിക്കര് പതിച്ച കുപ്പികള് ആരു തിരികെ കൊണ്ടുവന്നാലും 20 രൂപ നല്കും. ബെവ്കോ സ്റ്റിക്കര് വ്യക്തമാകുന്ന നിലയിലായിരിക്കണം കുപ്പി തിരികെ എത്തിക്കേണ്ടത്. വിജയം കണ്ടാല് ജനുവരി മുതല് പ്രാബല്യത്തില്. സംസ്ഥാനത്തെ 285 ഔട്ട്ലെറ്റുകളിലും നടപ്പിലാക്കും
