‘അവർ വീണ്ടും ഒന്നിച്ചാൽ എന്താകുമെന്ന് അറിയാമോ? ബ്ലാസ്റ്റ്! പാട്രിയറ്റ് ടീസർ പുറത്ത്

 ‘അവർ വീണ്ടും ഒന്നിച്ചാൽ എന്താകുമെന്ന് അറിയാമോ? ബ്ലാസ്റ്റ്! പാട്രിയറ്റ് ടീസർ പുറത്ത്

 ബിഗ് M’s ഒന്നിക്കുന്ന ചിത്രം പാട്രിയറ്റിന്റെ ടീസർ പുറത്ത്. മലയാളത്തിന്റെ പ്രിയ താരങ്ങളായ മമ്മൂട്ടിയും മോഹൻലാലും കാലങ്ങൾക്ക് ശേഷം ഒരുമിച്ച് എത്തുന്ന മഹേഷ് നാരായണൻ ചിത്രമായ പേട്രിയറ്റിന്റെ ടീസർ പുറത്തിറങ്ങി. മഹേഷ് നാരയാണൻ തന്നെയാണ് ചിത്രത്തിന്റെ കഥയും തിരക്കഥയും ഒരുക്കിയിരിക്കുന്നത്.

വമ്പൻ കാൻവാസില്‍ ഒരുങ്ങുന്ന ചിത്രം ഓരോ ഫ്രെയിമിലും അതിന്റെ റിച്ച്നെസ് എടുത്തു കാട്ടുന്നുണ്ട്. മലയാളികളുടെ പ്രിയ താരങ്ങളുടെ മാസ് അപ്പിയറൻസിനൊപ്പം അവരുടെ ആക്ഷൻ സീക്വൻസുകളും ടീസറില്‍ കാണാൻ സാധിക്കും.

ഫഹദ് ഫാസിൽ, കുഞ്ചാക്കോ ബോബൻ എന്നിവര്‍ കൂടി ചേരുമ്പോള്‍ ചിത്രത്തിന്റ പ്രതീക്ഷ വാനോളം ഉയര്‍ത്തുകയാണ്. മലയാള സിനിമയില്‍ ഇതുവരെ കുറിക്കപ്പെട്ടിട്ടുള്ള ബോക്സോഫീസ് റെക്കോര്‍ഡുകളെല്ലാം ഭേദിക്കാൻ ചിത്രത്തിന് ക‍ഴിയും എന്നാണ് ആരാധകര്‍ പ്രതീക്ഷിക്കുന്നത്.കാലങ്ങള്‍ക്ക് ശേഷം വെള്ളിത്തിരയില്‍ പ്രിയ താരങ്ങളെ ഒരുമിച്ച് കാണാൻ സാധിക്കും എന്നതും ചിത്രത്തിനായുള്ള കാത്തിരിപ്പിന്റെ ആകാംക്ഷ വര്‍ധിപ്പിക്കുന്നു. രണ്ട് ദിവസങ്ങളിലായി മലയാള വാര്‍ത്താ ലോകത്തെല്ലാം ചിത്രത്തെപറ്റിയുള്ള ചര്‍ച്ചകളാണ് നടക്കുന്നത്.

ഹൈദരാബാദിലെ ചിത്രത്തിന്റെ ഷൂട്ടിങ് സെറ്റിലേക്ക് ഒരു ഇടവേളയ്ക്ക് ശേഷം മമ്മൂട്ടി എത്തുന്നത് വലിയ വാര്‍ത്തയായിരുന്നു.

മമ്മൂട്ടിക്കും മോഹൻലാലിനും ഒപ്പം കുഞ്ചാക്കോ ബോബൻ, ഫഹദ്ഫാസിൽ, നയൻതാര, രേവതി തുടങ്ങിയ വലിയ താരനിരയും ചിത്രത്തിൽ ഒന്നിക്കുന്നുണ്ട്. സുഷിൻ ശ്യാമാണ് ചിത്രത്തിന്റെ പശ്ചാത്തല സംഗീതം ഒരുക്കിയിരിക്കുന്നത്. 2026 വിഷു റിലീസായി ആണ് ചിത്രം ആഗോള തലത്തിൽ പ്രദർശനത്തിന് എത്തുക