അനധികൃത മദ്യക്കടത്ത്; കോഴിക്കോട്ട് 34 ലിറ്റർ മാഹി മദ്യവുമായി യു.പി. സ്വദേശി പിടിയിൽ

അനധികൃത മദ്യക്കടത്ത്; കോഴിക്കോട്ട് 34 ലിറ്റർ മാഹി മദ്യവുമായി യു.പി. സ്വദേശി പിടിയിൽ

​കോഴിക്കോട്: അനധികൃത വിൽപ്പനയ്ക്കായി കടത്തിക്കൊണ്ടുവന്ന 34 ലിറ്റർ മാഹി മദ്യവുമായി ഉത്തർപ്രദേശ് സ്വദേശി കോഴിക്കോട് വെച്ച് എക്സൈസ് പിടിയിലായി. ദേവ്ദിൻ (34 വയസ്) എന്നയാളാണ് അറസ്റ്റിലായത്.

​മദ്യം കടത്താൻ ഉപയോഗിച്ച സ്കൂട്ടറും എക്സൈസ് സംഘം കസ്റ്റഡിയിലെടുത്തു. വരാനിരിക്കുന്ന തിരഞ്ഞെടുപ്പ് മുന്നിൽ കണ്ട് ലഹരി കടത്ത് തടയുന്നതിന്റെ ഭാഗമായി കോഴിക്കോട് ജില്ലയിൽ പരിശോധന ശക്തമാക്കിയതിന് പിന്നാലെയാണ് അറസ്റ്റ്.

​എക്സൈസ് ഇൻസ്പെക്ടർ ഷൈലേഷ്.പി.എംന്റെ നേതൃത്വത്തിലുള്ള സംഘമാണ് റെയ്ഡ് നടത്തിയത്. പ്രിവന്റീവ് ഓഫീസർ വിജയൻ.വി.സി, സിവിൽ എക്സൈസ് ഓഫീസർമാരായ സന്ദിപ്.സി.വി, അശ്വിൻ.ബി, അഖിൽ.കെ.എം, മുഹമദ് അജ്മൽ.പി എന്നിവരും റെയ്ഡിൽ പങ്കെടുത്തു.