വിവാഹജീവിതം തകർന്നതിനെ കളിയാക്കി, സുഹൃത്തിനെ കൊലപ്പെടുത്തി യുവാവ്

ഡൽഹി: മുംബൈയിലെ മലാദിൽ യുവാവ് തന്റെ തകർന്ന വിവാഹത്തെ കളിയാക്കിയതിന്റെ പേരിൽ സുഹൃത്തിനെ കൊലപ്പെടുത്തി. പ്രതിയായ ഗണേഷ് മണ്ഡലും മരിച്ച ദിൽഖുഷ് സാഹും ഒരേ കാറ്ററിംഗ് കമ്പനിയിൽ ഒരുമിച്ച് ജോലി ചെയ്തിരുന്നു.ബീഹാറിലെ മധുബനി ജില്ലയിലെ ഒരേ ഗ്രാമത്തിൽ നിന്നുള്ളവരായിരുന്നു രണ്ട് സുഹൃത്തുക്കളും. മണ്ഡലിന്റെ തകർന്ന വിവാഹത്തെ ദിൽഖുഷ് കളിയാക്കാറുണ്ടായിരുന്നുവെന്നും ഭാര്യ 'അവനെ ഉപേക്ഷിച്ചുപോയി' എന്ന് പറഞ്ഞും കളിയാക്കാറുണ്ടായിരുന്നുവെന്നും റിപ്പോർട്ടുണ്ട്.വ്യാഴാഴ്ച രാത്രി ഏകദേശം 12:25 ന്, ഇരുവരും തങ്ങളുടെ കാറ്ററിംഗ് ജോലിക്കായി പോകുമ്പോൾ മലദ് വെസ്റ്റിലെ ലൈഫ്ലൈൻ ആശുപത്രിക്ക് സമീപം വെച്ച് തർക്കം ഉണ്ടായി.തർക്കം സംഘർഷത്തിലേക്ക് വഴിമാറി. ഇതിൽ പ്രകോപിതനായ മണ്ഡൽ പച്ചക്കറി മുറിക്കുന്നതിനായി കൈവശം വച്ചിരുന്ന കത്തി പുറത്തെടുത്ത് ദിൽഖുഷിന്റെ കഴുത്തിൽ കുത്തി. രക്തസ്രാവമുണ്ടായി ഇര സംഭവസ്ഥലത്ത് തന്നെ കുഴഞ്ഞുവീണു, പ്രതി ഓടി രക്ഷപ്പെട്ടു.അതിനിടെ, സമീപത്തുള്ള ആളുകൾ പരിക്കേറ്റയാളെ കണ്ട് പോലീസിൽ വിവരമറിയിച്ചു. ദിൽഖുഷിനെ അടുത്തുള്ള ആശുപത്രിയിലേക്ക് കൊണ്ടുപോയെങ്കിലും ഡോക്ടർമാർ ഇയാൾ മരിച്ചതായി പ്രഖ്യാപിച്ചു.ദൃക്സാക്ഷികളുടെ മൊഴികളുടെയും പ്രദേശവാസികൾ നൽകിയ വിവരങ്ങളുടെയും അടിസ്ഥാനത്തിൽ, പോലീസ് ഉടൻ തന്നെ പ്രതിയായ ഗണേഷ് മണ്ഡലിനെ കണ്ടെത്തി അറസ്റ്റ് ചെയ്തു.