ലീഗിന് ദുരാഗ്രഹം’: ഇരവിപുരത്ത് ലീഗിനെതിരെ ആർ എസ് പി നേതാവ് എ എ അസീസ്

ലീ​ഗിനെതിരെ എതിർപ്പ് പ്രകടിപ്പിച്ച് മുന്നോട്ട് വന്നിരിക്കുകയാണ് ആർഎസ്പി. ഇരവിപുരം മണ്ഡലത്തിലെ സീറ്റുമായി ബന്ധപ്പെട്ട വിഷയത്തിലാണ് ആർഎസ്പി പരസ്യമായി അതൃപ്തിയും എതിർപ്പും വ്യത്കമാക്കിയിരിക്കുന്നത്. ആർഎസ്പി കേന്ദ്ര സെക്രട്ടറിയേറ്റം​ഗം എ എ അസീസാണ് പ്രതികരണവുമായി രം​ഗത്ത് വന്നത്. ലീ​ഗിന് ദുരാ​ഗ്രഹമാണെന്നും അസീസ് പറയുന്നു. പി.കെ.കെ.ബാവ ജയിച്ചതല്ലാതെ മറ്റാരും ഇരവിപുരത്ത് ലീഗിൽ ജയിച്ചിട്ടില്ല.തദ്ദേശ തെരഞ്ഞെടുപ്പിൽ ലീഗിന് മത്സരിക്കാൻ പോലും ആളില്ലെന്നും പറയുന്നു. കോർപ്പറേഷനിൽ അഞ്ച് സീറ്റ് നൽകിയപ്പോൾ മൂന്ന് സീറ്റും തിരികെ നൽകി. ആളില്ലാത്തവരാണ് ഇരവിപുരം സീറ്റ് ആവശ്യപ്പെടുന്നത്. ലീ​ഗിന് നാണം വേണമെന്നും അസീസ് തുറന്നടിച്ചു.പക്വതയില്ലാത്തവരാണ് ജില്ലയിലെ ലീഗിനെ നയിക്കുന്നത്. നാലും മൂന്നും ഏഴ് പേരാണ് ഉള്ളത്. 24ന് ആർ.എസ്.പി സെക്രട്ടറിയേറ്റിൽ സ്ഥാനാർഥിയെ സംബന്ധിച്ച് ആലോചന നടത്തും ഇരവിപുരം മണ്ഡലത്തിൽ ആർ.എസ്.പി തന്നെ മത്സരിക്കുമെന്നുമാണ് എ എ അസീസ് പറഞ്ഞിരിക്കുന്നത്. മുന്നണി പോരുകളും സ്ഥാനത്തിനുള്ള തർക്കങ്ങളും യുഡിഎഫിൽ ശക്തമായിരിക്കുകയാണ്.