*അനുനയ ചര്ച്ച ; എംവി ഗോവിന്ദന് അടിയന്തരമായി തിരുവനന്തപുരത്തേക്ക്, തളിപ്പറമ്പിലെ പരിപാടികള് മാറ്റിവെച്ചു*
Keralanewsmedia
Deepa sajeev 
*അനുനയ ചര്ച്ച ; എംവി ഗോവിന്ദന് അടിയന്തരമായി തിരുവനന്തപുരത്തേക്ക്, തളിപ്പറമ്പിലെ പരിപാടികള് മാറ്റിവെച്ചു*
*കണ്ണൂർ:* സിപിഐഎം സംസ്ഥാന സെക്രട്ടറി എംവി ഗോവിന്ദന് അടിയന്തരമായി തിരുവനന്തപുരത്തേക്ക്. സിപിഐയുമായുളള അനുനയ ചര്ച്ചയ്ക്കായാണ് എംവി ഗോവിന്ദന് അടിയന്തരമായി തിരുവനന്തപുരത്തേക്ക് പുറപ്പെട്ടത്. നാളെ തളിപ്പറമ്പില് നടക്കാനിരിക്കുന്ന പരിപാടികള് മാറ്റിവെച്ചു. മുഖ്യമന്ത്രിയുടെ നിര്ദേശപ്രകാരമാണ് അടിയന്തര യാത്രയെന്നാണ് സൂചന. ഇന്ന് രാവിലെയാണ് എംവി ഗോവിന്ദന് തിരുവനന്തപുരത്തു നിന്നും കണ്ണൂരിലെത്തിയത്.
മന്ത്രിമാര് നാളെ തിരുവനന്തപുരത്ത് ഉണ്ടാവണമെന്ന് പാര്ട്ടി നേതൃത്വം നിര്ദേശം നല്കിയിട്ടുണ്ട്. മന്ത്രിസഭ യോഗം കഴിയുന്നത് വരെ സെക്രട്ടറിയേറ്റിലേക്ക് നാല് മന്ത്രിമാരും പോകില്ല. നാളെ രാവിലെ ഏതെങ്കിലും തരത്തിലുള്ള ചര്ച്ചകള് നടക്കുമെന്ന് അറിയിപ്പ് സിപിഐ നേതൃത്വത്തിന് സിപിഐഎമ്മിന്റെ ഭാഗത്ത് നിന്നും ഇതുവരെ ലഭിച്ചിട്ടില്ല.
