കേരളസംസ്ഥാനചലച്ചിത്രപുരസ്കാരങ്ങൾ നവംബർഒന്നിന് പ്രഖ്യാപിക്കും.
റിപ്പോർട്ട് :സജീവ് ഗോപാലൻ
Deepa sajeev 
കേരളസംസ്ഥാനചലച്ചിത്രപുരസ്കാരങ്ങൾ നവംബർഒന്നിന് പ്രഖ്യാപിക്കും.
തിരുവനന്തപുരം: കേരള സംസ്ഥാന
ചലച്ചിത്ര പുരസ്കാരങ്ങൾ നവംബർ ഒന്നിന് പ്രഖ്യാപിക്കും. മികച്ച നടനായുള്ള മത്സരത്തിന്റെ അവസാന റൗണ്ടിൽ മമ്മൂട്ടിയും, ആസിഫ് അലിയും വിജയരാഘവനും ടൊവിനോയും ഉണ്ടെന്നാണ് സൂചന.ഭ്രമയുഗത്തിലെ പ്രകടനത്തിലൂടെ അവാർഡ് ചർച്ചകളിൽ സജീവമായ മമ്മൂട്ടിക്കൊപ്പം യുവനിരയിൽ നിന്നും ആസിഫ് അലിയുടെ പേരും ഉയർന്ന് കേൾക്കുന്നുണ്ട്. നവാഗത സംവിധായകനുള്ള പുരസ്കാരത്തിൽ മോഹൻലാലും മത്സരിക്കുന്നുണ്ട്.
36 സിനിമകളാണ് ഇക്കുറി അവസാന റൗണ്ടിലെത്തിയത്. ചലച്ചിത്ര മേളകളിൽ മികച്ച പ്രകടനം കാഴ്ചവച്ച ഓൾ വി ഇമാജിൻ ആസ് ലൈറ്റ്, ഫെമിനിച്ചി ഫാത്തിമ എന്നീ ചിത്രങ്ങളും മികച്ച ചിത്രമാകാനുള്ള മത്സരത്തിന്റെ അവസാന റൗണ്ടിൽ ഉണ്ട്.
ഈ ചിത്രങ്ങളിൽ വേഷമിട്ട കനി കുസൃതി, ദിവ്യപ്രഭ, ഷംല ഹംസ എന്നിവരാണ് മികച്ച നടിക്ക് വേണ്ടി മത്സരിക്കുന്നത്. അനശ്വര രാജൻ,ജ്യോതിർമയി, സുരഭി ലക്ഷ്മി തുടങ്ങിയവരും സാധ്യതാ പട്ടികയിലുണ്ട്.
