ബംഗ്ലാദേശ് ഭൂകമ്പത്തിൽ മൂന്ന് പേർ മരിച്ചു, നിരവധി പേർക്ക് പരിക്കേറ്റു, പശ്ചിമ ബംഗാളിലും ഭൂചലനം

ബംഗ്ലാദേശ് ഭൂകമ്പത്തിൽ മൂന്ന് പേർ മരിച്ചു, നിരവധി പേർക്ക് പരിക്കേറ്റു, പശ്ചിമ ബംഗാളിലും ഭൂചലനം

കൊൽക്കത്ത: വെള്ളിയാഴ്ച

രാവിലെ ബംഗ്ലാദേശിൽ ഉണ്ടായ 5.5 തീവ്രത രേഖപ്പെടുത്തിയ ഭൂചലനത്തിൽ മൂന്ന് പേർ മരിക്കുകയും നിരവധി പേർക്ക് പരിക്കേൽക്കുകയും ചെയ്തു‌. ഇതിന്റെ ഫലമായി പശ്ചിമ ബംഗാളിൽ ഉടനീളം ഭൂചലനം അനുഭവപ്പെട്ടു.കൊൽക്കത്തെ, മാൾഡ, നാദിയ, കൂച്ച് ബെഹാർ, മറ്റ് നിരവധി ജില്ലകളിൽ രാവിലെ 10.08 നും 10.10 നും ഇടയിൽ ഏതാനും സെക്കൻഡുകൾ ഭൂചലനം അനുഭവപ്പെട്ടതായി പ്രാഥമിക റിപ്പോർട്ടുകൾ സൂചിപ്പിക്കുന്നു.

ദക്ഷിണ, ഉത്തർ ദിനാജ്പൂർ എന്നിവയുൾപ്പെടെ പശ്ചിമ ബംഗാളിന്റെ മറ്റ് ഭാഗങ്ങളിലും ഭൂചലനം അനുഭവപ്പെട്ടു.പശ്ചിമ ബംഗാളിന് പുറമെ, വടക്കുകിഴക്കൻ ഇന്ത്യയുടെ പല ഭാഗങ്ങളിലും ഭൂചലനം അനുഭവപ്പെട്ടതായി യുഎസ് ജിയോളജിക്കൽ സർവേ (യുഎസ്ജിഎസ്) അറിയിച്ചു.

ധാക്കയിലെ ഘോരാസലിലാണ് ഭൂചലനത്തിന്റെ്റെ പ്രഭവകേന്ദ്രം സ്ഥിതി ചെയ്യുന്നതെന്നും 10 കിലോമീറ്റർ ആഴത്തിൽ ഭൂചലനം അനുഭവപ്പെട്ടതായും യുഎസ്ജിഎസ് അറിയിച്ചു.