തൊഴിലുറപ്പിനെ തൊഴിലറക്കുന്ന പദ്ധതിയാക്കി ബിജെപി മാറ്റി’: എം വി ജയരാജൻ
റിപ്പോർട്ട് :സുമേഷ് കൃഷ്ണൻ തിരുവനന്തപുരം
Deepa sajeev 
മഹാത്മാഗാന്ധി ഗ്രാമീണ തൊഴിലുറപ്പ് പദ്ധതിയെ തൊഴിലറക്കുന്ന പദ്ധതിയാക്കി ബിജെപി മാറ്റിയെന്ന് സിപിഐ എം സംസ്ഥാന സെക്രട്ടറിയറ്റംഗം എം വി ജയരാജൻ. തൊഴിലുറപ്പ് പദ്ധതി അട്ടിമറിക്കാനുള്ള കേന്ദ്രസർക്കാർ നീക്കം അവസാനിപ്പിക്കണമെന്ന് ആവശ്യപ്പെട്ട് എൽഡിഎഫ് ജില്ലാ കമ്മിറ്റി ആലപ്പുഴ പാസ്പോർട്ട് ഓഫീസിലേക്ക് നടത്തിയ മാർച്ചും ധർണയും ഉദ്ഘാടനം ചെയ്യുകയായിരുന്നു അദ്ദേഹം.
2015–ൽ പാർലമെന്റിൽ തൊഴിലുറപ്പ് പദ്ധതിയെ പരിഹസിച്ച മോദി, പിന്നീട് ഫണ്ട് വെട്ടിക്കുറച്ചു. പിന്നാലെ ആധാറുമായി ലിങ്ക് ചെയ്യുന്നതിന്റെ പേരിൽ എട്ടുകോടിയോളം മനുഷ്യരെ പദ്ധതിയിൽനിന്ന് വെട്ടി. പീന്നീട് ജിയോടാഗും പോർട്ടൽ എടുക്കലിന്റെയും പേരിൽ കടുംവെട്ട് നടത്തി. ഗാന്ധിജിയെ ബിജെപിക്ക് അലർജിയാണ്. രക്തസാക്ഷിയായ ഗാന്ധിയെക്കാൾ ജനങ്ങളുടെ മനസിലുള്ള ഗാന്ധിയെയാണ് അവർക്ക് ഭയം. പേരിലാണ് പ്രശ്നമെങ്കിൽ ഗാന്ധിയെ വീണ്ടും വീണ്ടും കൊല്ലുകയാണ് അദ്ദേഹത്തിന്റെ പേരിലുള്ള പദ്ധതി തകർക്കുന്നതോടെ ആർഎസ്എസ് ചെയ്യുന്നത്.
