ചിത്രലേഖ തിരിച്ചു വരുന്നു

ചിത്രലേഖ തിരിച്ചു വരുന്നു

​മലയാള സിനിമയുടെ ചരിത്രത്തിലെ നാഴികക്കല്ലായ ചിത്രലേഖാ ഫിലിം കോ-ഓപ്പറേറ്റീവ് തിരിച്ചുവരുന്നു. മുപ്പതാമത് 

​അന്താരാഷ്ട്ര ചലച്ചിത്രോത്സവ വേദിയിൽ വെച്ചാണ് ചിത്രലേഖയുടെ തിരിച്ചുവരവിന്റെ പ്രഖ്യാപനം. 

ഇന്ത്യൻ സിനിമയുടെ അഭിമാനവും 

​ചിത്രലേഖ രൂപീകരിച്ച കാലത്തെ അമരക്കാരനുമായ പത്മവിഭൂഷൺ ശ്രീ. അടൂർ ഗോപാലകൃഷ്ണന്റെ സാന്നിദ്ധ്യത്തിൽ ഡിസംബർ 17 ന് ഉച്ചക്ക് 2.30 ന് IFFK വേദിയായ തമ്പാനൂർ നിള തീയേറ്ററിൽ പ്രഖ്യാപനം നടക്കും. 

​ചിത്രലേഖയുടെ തിരിച്ചുവരവിനോടൊപ്പം, 'ഏകം' എന്ന വൺ മിനിറ്റ് ഫിലിം കോമ്പറ്റീഷൻ്റെ പ്രഖ്യാപനവും ഉണ്ടാകും.

പുതിയ കലാകാരന്മാരെയും ടെക്നീഷ്യൻമാരെയും കണ്ടെത്തി സിനിമാ ലോകത്തിന് മുന്നിൽ അവരെ അവതരിപ്പിക്കാനുള്ള ചിത്രലേഖയുടെ ഉദ്ദേശ്യ ലക്ഷ്യം നിറവേറ്റുകയാണ് ഈ ഇൻ്റർനാഷണൽ കോമ്പറ്റീഷൻ.

​മൊബൈൽ ഫോൺ ക്യാമറ ഉൾപ്പെടെയുള്ള ചെറിയ സാധ്യതകൾ ഉപയോഗിച്ച് സിനിമയെ ജനാധിപത്യവത്കരിച്ച്, യുവതലമുറയിലെ പ്രഗത്ഭരെ കണ്ടെത്തുകയും പ്രോത്സാഹിപ്പിക്കുകയും ചെയ്യുക എന്നതാണ് ഇതിലൂടെ ലക്ഷ്യം വെക്കുന്നത്.

അറുപത് സെക്കൻഡിൽ അനന്തമായ കഥകൾ പറയാൻ യുവതലമുറയെ പ്രോത്സാഹിപ്പിക്കുകയാണ് ചിത്രലേഖയുടെ ഏകം ഫെസ്റ്റിവൽ. 

ഈ ചരിത്ര നിമിഷത്തിന് സാക്ഷ്യം വഹിക്കാൻ നിങ്ങളെ ഓരോരുത്തരെയും ഹൃദയപൂർവ്വം സ്വാഗതം ചെയ്യുന്നു 

സ്നേഹപൂർവ്വം 

ടോണി തോമസ് - ചെയർമാൻ

സന്തോഷ് ദാമോദരൻ - മാനേജിങ് ഡയറക്ടർ

സന്ദീപ് സേനൻ - വൈസ് ചെയർമാൻ

​ ഡിസംബർ 17, ബുധൻ

  ഉച്ചയ്ക്ക് 2:30 മണിക്ക്

നിള തീയറ്റർ, തമ്പാനൂർ (IFFK വേദി)