*ഗോവര്ധൻ സമര്പ്പിച്ച മാലയും കണക്കിൽപ്പെടുത്താതെ ദേവസ്വം ബോർഡ്*
റിപ്പോർട്ട് :സുമേഷ് കൃഷ്ണൻ തിരുവനന്തപുരം
Deepa sajeev 
*ഗോവര്ധൻ സമര്പ്പിച്ച മാലയും കണക്കിൽപ്പെടുത്താതെ ദേവസ്വം ബോർഡ്*
തിരുവനന്തപുരം: ശബരിമല സ്വര്ണക്കൊള്ള കേസിലെ പ്രതിയായ ബെല്ലാരിയിലെ ഗോവര്ധൻ മുമ്പ് ശബരിമലയിൽ സമര്പ്പിച്ച 10 പവൻ മാല കണക്കിൽപ്പെടുത്താതെ ദേവസ്വം ബോര്ഡ്. ശബരിമലയിലെ വേര്തിരിച്ച സ്വര്ണം കൈപ്പറ്റിയതിന്റെ 'പ്രായശ്ചിത്തമായി' ഗോവര്ധൻ നൽകിയ 10 പവന്റെ മാലയാണ് തിരുവിതാംകൂര് ദേവസ്വം ബോര്ഡ് മഹസറിൽ രേഖപ്പെടുത്താതെ ശബരിമലയിൽ സൂക്ഷിച്ചത്. ഗുരുതര വീഴ്ചയാണ് ഇതുമായി ബന്ധപ്പെട്ട് ദേവസ്വം ബോര്ഡിന്റെ ഭാഗത്തുനിന്നുണ്ടായത്. 2021ൽ ഉണ്ണികൃഷ്ണൻ പോറ്റിക്കാണ് ഗോവര്ധൻ മാല കൈമാറിയത്. തുടര്ന്ന് ഉണ്ണികൃഷ്ണൻ പോറ്റിയാണ് മാല മാളികപ്പുറത്ത് സമർപ്പിച്ചത്. എന്നാൽ, സമര്പ്പിച്ച മാല ബോര്ഡ് മഹസറിൽ രേഖപ്പെടുത്തിയില്ല. കണക്കിൽപ്പെടാതെ ശബരിമലയിൽ സൂക്ഷിക്കുകയായിരുന്നു. സ്വര്ണക്കൊള്ള വിവാദങ്ങള്ക്കുശേഷമാണ് മാല മഹസറിൽ രേഖപ്പെടുത്തിയത്. ശബരിമലയിലെ വേര്തിരിച്ച സ്വര്ണം കൈപ്പറ്റിയത് തനിക്ക് മനോവിഷമം ഉണ്ടാക്കിയെന്നും അതിനുവേണ്ടി പ്രായശ്ചിത്തം ചെയ്തുവെന്നുമാണ് അറസ്റ്റിലായ ഗോവര്ധൻ പൊലീസിന് മൊഴി നൽകിയത്.
