സംസ്ഥാനത്തെ ഏറ്റവും പ്രായം കുറഞ്ഞ അവയവ ദാതാവായ ആലിൻ ഷെറിൻ എബ്രഹാമിന് സ്മരണയർപ്പിച്ച് പ്രേംനസീർ സുഹൃത് സമിതിയുടെ ഓർമ്മചെപ്പ്
റിപ്പോർട്ട് :ദൗലത് ഷാ എം
Deepa sajeev 
ആലിൻ ഷെറിന് പ്രണാമമായി
ഓർമ്മചെപ്പ് സമർപ്പിച്ചു
തിരു:ദു:ഖം തളംകെട്ടി നിൽക്കുന്ന മല്ലപ്പള്ളി ആലിൻ ഭവനം. ചെറിയ കുസൃതികളുമായി അമ്മയുടെ ഒക്കത്തിരുന്ന് എല്ലാ പേരെയും കുണു ങ്ങി ചിരിപ്പിച്ചിരുന്ന 9 മാസം പ്രായമായ ആലിൻ. സന്തോഷത്തിൻ്റെ കുറെ നാളുകൾ ആ പൊന്നുമോൾ അവർക്ക് പകർന്ന് നൽകി. വിധി, ആ കുടുംബത്തെ മാത്രമല്ല ഒരു രാജ്യത്തെ തന്നെ സങ്കടകടലിലാക്കിയപ്പോൾ സാന്ത്വനവുമായി അവിടേക്ക് പലരുമെത്തി. സംസ്ഥാനത്തെ ഏറ്റവും പ്രായം കുറഞ്ഞ അവയവ ദാതാവ് ആലിൻ ഷെറിൻ എബ്രഹാം ഇന്നും ഓർമ്മകളിൽ ജീവിക്കുമ്പോൾ ആ കുരുന്നിന് പ്രണാമമർപ്പിച്ച് പ്രേംനസീർ സുഹൃത് സമിതിയുടെ ഓർമ്മചെപ്പ് ചലച്ചിത്ര താരം പ്രേംകുമാർ ആലിൻ്റെ മാതാപിതാക്കളായ അരുൺ എബ്രഹാം,ഷെറിൻ എന്നിവർക്ക് സമർപ്പിച്ചു. സമിതി പ്രസിഡന്റ്പനച്ചമൂട് ഷാജഹാൻ അദ്ധ്യക്ഷത വഹിച്ചു. സെക്രട്ടറി തെക്കൻ സ്റ്റാർ ബാദുഷ സമിതി ഭാരവാഹികളായ ആര്യനാട് സന്തോഷ്, വിനയചന്ദ്രൻ നായർ, അരുണിൻ്റെ പിതാവ് റെജി സാമുവൽ,മുസ്ലിം ലീഗ് പത്തനംതിട്ട ജില്ലാ ജനറൽ സെക്രട്ടറി അഡ്വ: ഹൻ സലാഹ്, സംസ്ഥാന സെക്രട്ടേറിയറ്റ് അംഗം കെ.ഇ. അബ്ദുൾ റഹ്മാൻ, ബഷീർ കുട്ടി, മല്ലപ്പള്ളി അൻസാരി എന്നിവർ സംബന്ധിച്ചു.
ഫോട്ടോ: സംസ്ഥാന ത്തെ ഏറ്റവും പ്രായം കുറഞ്ഞ അവയവ ദാതാവായ ആലിൻ ഷെറിൻ എബ്രഹാമിന് സ്മരണയർപ്പിച്ച് പ്രേംനസീർ സുഹൃത് സമിതിയുടെ ഓർമ്മചെപ്പ് ചലച്ചിത്ര അക്കാദമി മുൻ ചെയർമാനും നടനുമായ പ്രേംകുമാർ ആലിൻ്റെ മാതാപിതാക്കൾ അരുണിനും ഷെറിനും സമർപ്പിക്കുന്നു. അരുണിൻ്റെ പിതാവ് റെജി, മുസ്ലിം ലീഗ് നേതാക്കളായ അഡ്വ.ഫൻസലാഹ്, കെ.ഇ.അബ്ദുൾ റഹ്മാൻ,സമിതി ഭാരവാഹികളായ തെക്കൻ സ്റ്റാർ ബാദുഷ, പനച്ചമൂട് ഷാജഹാൻ, വിനയചന്ദ്രൻ, ആര്യനാട് സന്തോഷ് എന്നിവർ സമീപം
