*ശബരിമല ദേവസ്വംബോർഡ് സമിതിയെ വെട്ടിലാക്കി സുധീഷ് കുമാറിന്റെ മൊഴി. പോറ്റിക്ക് ദ്വാരപാലക ശില്പങ്ങളിലെ സ്വര്ണപാളി കൈമാറിയത് ബോർഡ് ഭരണസമിതി പറഞ്ഞതുപ്രകാരം*
റിപ്പോർട്ട് :സുമേഷ് കൃഷ്ണൻ തിരുവനന്തപുരം
Deepa sajeev 
*ശബരിമല ദേവസ്വംബോർഡ് സമിതിയെ വെട്ടിലാക്കി സുധീഷ് കുമാറിന്റെ മൊഴി. പോറ്റിക്ക് ദ്വാരപാലക ശില്പങ്ങളിലെ സ്വര്ണപാളി കൈമാറിയത് ബോർഡ് ഭരണസമിതി പറഞ്ഞതുപ്രകാരം*
*തിരുവനന്തപുരം* : ശബരിമല സ്വര്ണക്കൊള്ളയില് 2019 ലെ ദേവസ്വം ബോര്ഡ് ഭരണസമിതിക്കെതിരെ മുന് എക്സിക്യൂട്ടീവ് ഓഫീസര് ഡി സുധീഷ് കുമാറിന്റെ മൊഴി.
സ്വര്ണക്കൊള്ളയില് ഭരണസമിതിയും ഉദ്യോഗസ്ഥരും ഇടപെട്ടതായാണ് സുധീഷ് കുമാറിന്റെ മൊഴി.
ഭരണസമിതി പറഞ്ഞതുപ്രകാരമാണ് പ്രവര്ത്തിച്ചത്. പോറ്റിക്ക് ദ്വാരപാലക ശില്പങ്ങളിലെ സ്വര്ണപാളി കൈമാറിയത് ഭരണസമിതി പറഞ്ഞതുപ്രകാരമാണെന്നും സുധീഷ് കുമാറിന്റെ മൊഴിയിലുണ്ട്.
ദ്വാരപാലക ശില്പത്തിലെ സ്വര്ണമോഷണവുമായി ബന്ധപ്പെട്ട് പ്രത്യേക അന്വേഷണ സംഘം രജിസ്റ്റര് ചെയ്ത കേസില് നിലവില് റിമാന്ഡിലാണ് സുധീഷ് കുമാര്.
എസ്ഐടി നടത്തിയ വിശദമായ ചോദ്യം ചെയ്യലിലാണ് സുധീഷ് കുമാര് ദേവസ്വം ബോര്ഡ് മുന് ഭരണസമിതിക്കെതിരെ മൊഴി നല്കിയത്.
മേലുദ്യോഗസ്ഥര് പറഞ്ഞതിനാലാണ് ചെമ്പ് പാളികള് എന്നെഴുതിയതെന്നും സുധീഷ് കുമാര് മൊഴി നല്കിയിട്ടുണ്ട്. മേല് ഉദ്യോഗസ്ഥര് നല്കിയ നിര്ദേശങ്ങള് പാലിക്കുക മാത്രമാണ് ചെയ്തത്.
ഓരോ ഘട്ടത്തിലും ഇത് സംബന്ധിച്ച വിവരങ്ങള് മേലുദ്യോഗസ്ഥര്ക്ക് കൈമാറി. രേഖകള് അപ്പോള് തന്നെ മേലുദ്യോഗസ്ഥരെ ധരിപ്പിച്ചിരുന്നു. അവരും ചെമ്പ് പാളികള് എന്ന് എഴുതിയത് തിരുത്തുകയോ എതിര്ക്കുകയോ ചെയ്തില്ലെന്നും സുധീഷ് കുമാര് മൊഴി നൽകിയിരുന്നു.
