വിഴിഞ്ഞം! കേരളത്തിന്റെ ശീലങ്ങൾ ചോദ്യംചെയ്യപ്പെടുന്നഅവസാനഅവസരം 

കേരള ന്യൂസ്‌ മീഡിയ 

റിപ്പോർട്ട്‌ :കിരൺ എസ്. പിള്ളൈ

വിഴിഞ്ഞം! കേരളത്തിന്റെ ശീലങ്ങൾ ചോദ്യംചെയ്യപ്പെടുന്നഅവസാനഅവസരം 

കേരളത്തിന് ഒരു സ്ഥിരം സ്വഭാവമുണ്ട്. വലിയ പദ്ധതികൾ ആരംഭിക്കും , അവയെ ചുറ്റി വലിയ ചർച്ചകൾ 

നടക്കും , പിന്നെ പതിയെ പദ്ധതി തന്നെ പിന്നിലാകും . മുന്നിലേക്ക് വരുന്നത് കുറ്റപ്പെടുത്തലുകളാണ്. ആരാണ്

വൈകിപ്പിച്ചതെന്ന്, ആരാണ് തടഞ്ഞതെ ന്ന്, ഏത് വിഭാഗമാണ് ഉത്തരവാദിയെ ന്ന്. ഈ പ്രക്രിയയിൽ 

പദ്ധതി മരിച്ചു പോകുമ്പോൾ, കുറ്റി നിർമ്മാണം മാത്രമാണ് ജീവനോടെ തുടരുന്നത്. ഇത് ഒരു അപവാദമല്ല,

കേരളം തന്നെ ആവർത്തിച്ച് നിർമ്മിച്ച ഒരു വികസന പാറ്റേണാണ്.

ഈ പാറ്റേൺ വിഴിഞ്ഞത്തിൽ ആവർത്തിച്ചാൽ, അത് സാധാരണ നഷ്ടമാകി ല്ല. Vizhinjam International 

Seaport കേരളത്തിന് ലഭിച്ച ഒരു അപൂർവ ഭാഗ്യമാണ്. ഇത് നമ്മുടെ ദീർഘദർശനത്തിന്റെ ഫലമല്ല,

ഭൂമി ശാസ്ത്രത്തിന്റെ സമ്മാനമാണ്. ലോ കത്തിലെ ഏറ്റവും തിരക്കേറിയ കപ്പൽപ്പാതയ്ക്ക് സമീപം , 

സ്വാഭാവികമായ ആഴമുള്ള കടലോ ടുകൂടി ലഭിച്ച ഈ അവസരം , സംസ്ഥാ നങ്ങൾക്ക് പല തലമുറകളിലും 

ഒരിക്കൽ പോലും ലഭിക്കണമെന്നില്ല. അത്തരമൊരു ഭാഗ്യം കൈവിടുന്നത് ചരി ത്രപരമായ 

അജ്ഞതയായിരിക്കും .

കേരളത്തിന്റെ സമ്പദ്‌വ്യവസ്ഥ വർഷങ്ങളായി റിമിറ്റൻസിലും സേവനമേ ഖലയിലും ടൂറിസത്തിലും

ആശ്രയിച്ചാണ് മുന്നോട്ടുപോയത്. ഇവയെല്ലാം പ്രധാനമാണ്, പക്ഷേ വലിയ തോതിലുള്ള ഭൗതിക 

വ്യാപാരത്തിനും ലോജിസ്റ്റിക്സിനും ഇവ പകരക്കാരല്ല. ഇന്ത്യയിലെ മറ്റു സംസ്ഥാ നങ്ങൾ വെയർഹൗസിംഗ്,

ട്രക്കിംഗ്, കയറ്റുമതി , വാല്യു അഡഡ് ലോജിസ്റ്റിക്സ് എന്നിവ ശക്തമായി പിടിച്ചെടുക്കുമ്പോൾ, കേരളം 

പുറത്തുനിന്ന് നോക്കി നിൽക്കു ന്ന അവസ്ഥയിലായിരുന്നു. വിഴിഞ്ഞം ഈ അസമത്വം തിരുത്താനുള്ളവാതിലാണ്.

ഒരു പോർട്ട് വെറും കപ്പൽ നിൽക്കുന്ന ഇടമല്ല. അത് സമ്പദ്‌വ്യവസ്ഥയുടെ ഗുരുത്വ കേന്ദ്രമാണ്. ചരക്ക്

എത്തുന്നിടത്ത് ജോലികൾ ഉണ്ടാകും , ബിസിനസ്സുകൾ പിറക്കും , സ്കിൽ ആവശ്യങ്ങൾ രൂപപ്പെടും . ഈ മാറ്റം 

സ്വയം സംഭവിക്കുന്ന ഒന്നല്ല. അതിന് വ്യ ക്തമായ നയങ്ങളും സ്ഥിരതയും സമയബന്ധിതമായ തീരുമാനങ്ങളും 

ആവശ്യമാണ്. ഇവ ഇല്ലെങ്കിൽ, ഭൂമി ശാസ്ത്രം പോലും നമ്മെ രക്ഷിക്കില്ല.

തിരഞ്ഞെടുപ്പ് അടുത്തിരിക്കുന്ന ഈ ഘട്ടത്തിൽ വിഴിഞ്ഞം ഒരു മുദ്രാ വാക്യ മാകരുത്. ഇത് ഒരു സംസ്ഥാന

പ്രതിജ്ഞയായിരിക്കണം . ആര് അധികാരത്തിൽ വന്നാലും , അടുത്ത അഞ്ച് വർഷം ഉറച്ച പ്രോ വിഴിഞ്ഞം 

നയങ്ങൾ ഉണ്ടാകുമെന്ന് പൊതുസമൂഹത്തിന് ഉറപ്പ് നൽകണം . നയസ്ഥിരത, വേഗത്തിലുള്ള

ക്ലിയറൻസുകൾ, ഭൂമി ഉപയോഗത്തിൽ വ്യക്തത, ലോജിസ്റ്റിക്സ് സൗഹൃദനിയമങ്ങൾ, പോർട്ട് ബന്ധമുള്ള 

സ്കിൽ വികസനം എന്നിവ അതിൽ ക്രമമായ ആവശ്യങ്ങൾ അല്ല. ഇത് അടിസ്ഥാന ഭരണ ബുദ്ധിയാണ്.

വിഴിഞ്ഞം പരാജയപ്പെട്ടാൽ, കേരളം ഒരു പ്രോജക്ട്മാത്രമല്ല നഷ്ടപ്പെടുത്തുന്നത്. ഒരു തലമുറയുടെ

സാധ്യതയാണ് നഷ്ടപ്പെടുന്നത്. ഇവിടെ തന്നെ വലിയ സ്കെയിലിലുള്ള ജോലികൾ സൃഷ്ടിക്കാനുള്ള അവസരം

നഷ്ടപ്പെട്ടാൽ, യുവാക്കൾ വീണ്ടും പുറത്തേക്ക് പോകും . പിന്നിൽ അവശേഷിക്കുക ചർച്ചകളും ഓർമ്മകളും

മാത്രമായിരിക്കും . കേരളത്തിന് ഇനി പ്രോജക്ടുകൾ ഉപേക്ഷിച്ച് കുറ്റം നിർമ്മിക്കുന്ന ആ ശീലം തുടരാനുളള ആഡംബരം ഇല്ല. വിഴിഞ്ഞം പ്രവർത്തിക്കണം ....... പൂർണ്ണ മായി ....... തുടർച്ചയായി...... . സംശയമില്ലാതെ .