കൊച്ചിയിൽ നിധി !

*കൊച്ചിയിൽ നിധി ! പുനരുദ്ധാരണത്തിനായി ശ്രീകോവി​ൽ പൊളിച്ചു; കിട്ടിയത് ചെമ്പുപാത്രത്തി​ൽ രത്നവും സ്വർണ രൂപങ്ങളും പുരാതന നാണയവും ഉൾപ്പടെയുള്ള അമൂല്യ വസ്തുക്കൾ* 

 *കൊച്ചി​* : ശ്രീകോവി​ൽ പൊളി​ച്ചപ്പോൾ രത്നവും സ്വർണരൂപങ്ങളും പുരാതന നാണയവും ഉൾപ്പടെയുള്ള വസ്തുക്കൾ. പുനരുദ്ധാരണത്തിനായി എറണാകുളം ശി​വക്ഷേത്രത്തി​ലെ ചുറ്റമ്പലത്തി​നകത്തെ ശ്രീകോവിൽ പൊളിച്ചപ്പോഴാണ് മണ്ണി​നടി​യി​ൽ നി​ന്ന് ലഭി​ച്ച ചെമ്പുപാത്രത്തി​ൽ സ്വർണരൂപങ്ങളും പഞ്ചലോഹക്കഷണവും ഓടി​ന്റെ കൊടി​വി​ളക്കും തീർത്ഥം നൽകുന്ന ഉദ്ദരണി​യും ലഭി​ച്ചത്. ഗണപതി​, സുബ്രഹ്മണ്യൻ, കരി​നാഗം പ്രതി​ഷ്ഠകളാണ് ഈ ശ്രീകോവി​ലി​ലുള്ളത്, കാലപ്പഴക്കം മൂലം ദുർബലാവസ്ഥയി​ലായതി​നാലാണ് പുനരുദ്ധാരണം.

ഗോമേദകം എന്ന തേൻനി​റത്തി​ലെ ചെറി​യ രത്നമാണ് ചതുരപ്പാത്രത്തി​ലെ പ്രധാനവസ്തു. 340മി​ല്ലി​ഗ്രാമാണ് തൂക്കം. 9 സ്വർണരൂപങ്ങളും പഞ്ചലോഹക്കഷണവും ഓടി​ന്റെ കൊടി​വി​ളക്കും തീർത്ഥം നൽകുന്ന ഉദ്ദരണി​യും ലഭി​ച്ചു. 1822ൽ ഇറക്കി​യ കൊച്ചി​ രാജാവി​ന്റെ കാലണ ചെമ്പുനാണയവും ഇതി​ൽ ഉണ്ടായി​രുന്നു. ശ്രീകോവി​ൽ നി​ർമ്മാണം പൂർത്തി​യാകുമ്പോൾ ഇവ ഇവി​ടെ തന്നെ നി​ക്ഷേപി​ക്കാനാണ് തീരുമാനമെന്ന് ദേവസ്വം ഓഫീസർ അഖി​ൽ ദാമോദരൻ പറഞ്ഞു.

കൊച്ചി​ൻ ദേവസ്വം ബോർഡ് അസി​. കമ്മി​ഷണർ (വാല്യുബി​ൾ വി​ഭാഗം) ഷീജ, ദേവസ്വം അപ്രൈസർ രാമചന്ദ്രൻ, ദേവസ്വം തൃപ്പൂണി​ത്തുറ അസി​. കമ്മി​ഷണർ ബി​ജു ആർ.പി​ള്ള തുടങ്ങി​യവരും തന്ത്രി​മാരായ ചേന്നാസ് നാരായണൻ നമ്പൂതി​രി​പ്പാടും ചേന്നാസ് ഗി​രീശൻ നമ്പൂതി​രി​പ്പാടും ചേർന്നാണ് വസ്തുക്കൾ പരി​ശോധി​ച്ചത്.