സെൻയാറിന് പിന്നാലെ ബംഗാൾ ഉൾക്കടലിൽ രണ്ടാമത്തെ ചുഴലിക്കാറ്റ് രൂപപ്പെടുന്നു; തമിഴ്‌നാടിനും ആന്ധ്രയ്ക്കും ജാഗ്രതാ നിർദ്ദേശം

ഡൽഹി: ബംഗാൾ ഉൾക്കടലിൽ ഒരു പുതിയ കൊടുങ്കാറ്റ് രൂപം കൊള്ളുന്നതിനാൽ തമിഴ്നാട്ടിലെയും ആന്ധ്രാപ്രദേശിലെയും തീരദേശ ജില്ലകളോട് ജാഗ്രത പാലിക്കാൻ ഇന്ത്യൻ കാലാവസ്ഥാ വകുപ്പ് ആവശ്യപ്പെട്ടു.തെക്കുപടിഞ്ഞാറൻ ബംഗാൾ ഉൾക്കടലിലും അതിനോട് ചേർന്നുള്ള ശ്രീലങ്കൻ തീരത്തും രൂപം കൊണ്ട ന്യൂനമർദം കൂടുതൽ ശക്തി പ്രാപിച്ച് തീവ്ര ന്യൂനമർദമായി മാറിയതായി കാലാവസ്ഥാ നിരീക്ഷണ കേന്ദ്രം അറിയിച്ചു. 12 മണിക്കൂറിനുള്ളിൽ ഈ ന്യൂനമർദം ഒരു ചുഴലിക്കാറ്റായി മാറാൻ സാധ്യതയുണ്ടെന്ന് ഐഎംഡി മുന്നറിയിപ്പ് നൽകി.അങ്ങനെ സംഭവിച്ചുകഴിഞ്ഞാൽ, അതിന് ദിത്വാ ചുഴലിക്കാറ്റ് എന്ന് പേരിടും. കരയിലേക്ക് പതിക്കുന്ന സമയം ഇപ്പോഴും വ്യക്തമല്ല.പക്ഷേ ഈ ആഴ്‌ച അവസാനത്തോടെ തമിഴ്നാട്, പുതുച്ചേരി, തെക്കൻ ആന്ധ്രാപ്രദേശ് തീരങ്ങളിൽ കനത്ത മഴ, മണിക്കൂറിൽ 80-90 കിലോമീറ്റർ വേഗതയിൽ ശക്തമായ കാറ്റ്, കടൽ പ്രക്ഷുബ്ധ‌ം എന്നിവ ഉണ്ടാകുമെന്ന് കാലാവസ്ഥാ ഏജൻസി പ്രവചിക്കുന്നു.