ന്യൂജേഴ്സി വിമാനത്താവളത്തിൽ പറന്നുയരുന്നതിനിടെ വൻ അപകടം, സ്കൈ ഡൈവിംഗ് വിമാനം തകർന്നു; വിമാനത്തിലുണ്ടായിരുന്ന ത് 15 പേർ

ന്യൂജേഴ്‌സി: ന്യൂജേഴ്‌സിയിലെ ക്രോസ് കീസ് വിമാനത്താവളത്തിൽ ബുധനാഴ്ച വൈകുന്നേരം സ്‌കൈ ഡൈവിംഗ് വിമാനം തകർന്നുവീണു. 15 പേരടങ്ങിയ സെസ്ന 208ആ വിമാനമാണ് അപകടത്തിൽപ്പെട്ടത്. പ്രാദേശിക സമയം വൈകുന്നേരം 5:25-5:30 ഓടെയാണ് സംഭവം നടന്നത്.അപകടത്തിൽ 14 പേർക്ക് പരിക്കേറ്റു, ഇവരിൽ മൂന്ന് പേർ ഗുരുതരാവസ്ഥയിൽ കാംഡനിലെ കൂപ്പർ യൂണിവേഴ്സിറ്റി ആശുപത്രിയിലെ ട്രോമാ സെന്ററിൽ ചികിത്സയിലാണ്. എട്ട് പേർക്ക് നേരിയ പരിക്കുകളുണ്ട്, നാല് പേർക്ക് ചെറിയ പരിക്കുകളാണ് ഉണ്ടായിരിക്കുന്നത്. ഒരാൾ ചികിത്സ സ്വീകരിക്കാൻ നിരസിച്ചുവിമാനം പറന്നുയരുന്നതിനിടെ പൈലറ്റ് എഞ്ചിൻ തകരാറ് റിപ്പോർട്ട് ചെയ്തിരുന്നു. തുടർന്ന് വിമാനം റൺവേയ്ക്ക് സമീപം കാടിലേക്ക് തകർന്നുവീണുവെന്നാണ് പ്രാഥമിക വിവരം. സംഭവസ്ഥലത്ത് അഗ്നിശമനസേനയും മറ്റ് അടിയന്തരസേവനങ്ങളും രക്ഷാപ്രവർത്തനം നടത്തി.

അപകടകാരണം എഫ്എഎ അന്വേഷിച്ചുവരികയാണ്. കൂടുതൽ വിവരങ്ങൾ ലഭ്യമാകുന്നത് വരെ അധികൃതർ സ്ഥലത്ത് പൊതുജനത്തെ പ്രവേശിപ്പിക്കുന്നില്ല