ദിത്വാ ചുഴലിക്കാറ്റ്: തമിഴ്‌നാട്ടിൽ മഴയുമായി ബന്ധപ്പെട്ട അപകടങ്ങളിൽ മൂന്ന് പേർ മരിച്ചു; 57,000 ഹെക്ടർ കൃഷിഭൂമി നശിച്ചു

ചെന്നൈ: തമിഴ്‌നാട്ടിൽ ആഞ്ഞടിച്ചദിത്വാ ചുഴലിക്കാറ്റിനെ തുടർന്നുണ്ടായ മഴയുമായി ബന്ധപ്പെട്ട അപകടങ്ങളിൽ കുറഞ്ഞത് മൂന്ന് പേർ മരിച്ചതായി മന്ത്രി കെ.കെ.എസ്.എസ്.ആർ രാമചന്ദ്രൻ ഞായറാഴ്ച പറഞ്ഞു. 'ഇന്നലെ വൈകുന്നേരം മുതൽ മഴയുമായി ബന്ധപ്പെട്ട അപകടങ്ങളിൽ മൂന്ന് പേർ മരിച്ചു.തൂത്തുക്കുടിയിലും തഞ്ചാവൂരിലും മതിൽ ഇടിഞ്ഞുവീണ് യഥാക്രമം രണ്ട് പേർ മരിച്ചു, മയിലാടുതുറൈയിൽ 20 വയസ്സുള്ള ഒരു യുവാവ് വൈദ്യുതാഘാതമേറ്റ് മരിച്ചു,' അദ്ദേഹം സ്റ്റേറ്റ് എമർജൻസി ഓപ്പറേഷൻസ് സെന്ററിൽ മാധ്യമപ്രവർത്തകരോട് പറഞ്ഞു.ദിത്വാ ചുഴലിക്കാറ്റിനെ തുടർന്നുണ്ടായ കനത്ത മഴയിൽ തമിഴ്‌നാട്ടിലെ ഡെൽറ്റ ജില്ലകളിലായി 149 കന്നുകാലികൾ ചത്തതായും 57,000 ഹെക്ടർ കൃഷിഭൂമി നശിച്ചതായും രാമചന്ദ്രൻ പറഞ്ഞു.കനത്ത മഴയെത്തുടർന്ന് 57,000 ഹെക്ടർ കൃഷിഭൂമി വെള്ളത്തിനടിയിലായി, അദ്ദേഹം പറഞ്ഞു. ഡെൽറ്റ മേഖലയിലുടനീളം 234 കുടിലുകൾക്ക് കേടുപാടുകൾ സംഭവിച്ചതായി ഒരു ചോദ്യത്തിന് മറുപടിയായി മന്ത്രി കൂട്ടിച്ചേർത്തു.